A do të thotë PO? Berisha e ftoi nesër në Kuvend, Basha bën lëvizjen e menjëhershme

Pak pas ftesës që ish-kryeministri Sali Berisha i bëri për të marrë pjesë nesër në Kuvendin që do të mbahet në “Air Albania”, lideri i PD Lulzim Basha ka thirrur një mbledhje me të gjithë krerët e degëve të partisë.

Mbledhja u njoftua në orën 14:00 , por sipas burimeve për shkak se nuk ishin thirrur të gjithë krerët, mbledhja u shty për më vonë.

Sipas informacioneve, pas takimit me krerët e degëve, Sekretari i Përgjithshëm Gazment Bardhi do të ketë një konferencë shtypi për mediat.

Paraprakisht mësohet se qëllimi i mbledhjes është Kuvendi i 18 Dhjetorit. Basha do t’iu japë krerëve porositë e Kuvendit dhe masat që duhet të kenë parasysh.

Kujtojmë se nesër ish-kryeministri Sali Berisha mban Kuvendin e thirrur nga delegatët. Kuvendi do të zhvillohet në orën 10:00 në stadiumin “Air Albania”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern