Kapet 59 vjeçari në Tiranë/ Ja si i organizonte takimet me vajzat e mitura për ti shfrytëzuar seksualisht

Policia e Tiranës ka arrestuar një 59-vjeçar.

Ai akuzohet se mashtronte vajza të mitura, me qëllim përfitimin seksual.

Nga hetimet ka rezultuar se ky shtetas i joshte vajzat, kryesisht nën moshën 18-vjeçare, me anë të telefonit dhe rrjeteve sociale.

Në kuadër të operacionit policor të koduar “Predator”, ra në pranga M. Ç., 59 vjeç, i dënuar më parë për veprën penale “Ngacmimi seksual”.

“Nga hetimet ka rezultuar se ky shtetas, nëpërmjet telefonit dhe rrjeteve sociale, mashtronte femra, kryesisht të mitura, për përfitim seksual. Në kuadër të këtyre hetimeve është bërë i mundur identifikimi në kohë i personit të dyshuar dhe parandalimi i kryerjes së veprimeve të mëtejshme kriminale nga ky shtetas, me të miturat.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ky shtetas u kap në kushtet e flagrancës, pasi kishte organizuar një takim me një shtetase tjetër të mitur. Gjatë veprimeve hetimore (këqyrjes së celularit) janë gjetur prova kompromentuese për këtë shtetas, që e implikojnë në këtë veprimtari kriminale”, tha Policia.

Materialet i kaluan Prokurorisë pranë Gjykatës së Shkallës së Parë Tiranë, për veprat penale “Ngacmimi seksual” dhe “Trafikimi i të miturve”.