“Jemi në gatishmëri” Nesër Kuvendi i Berishës, a ka marrë masa Policia? Ja si përgjigjet Gledis Nano

Në stadiumin “Air Albania” në Tiranë, nesër do të zhvillohet Kuvendi i Partisë Demokratike që do të mbajë ish-kryeministri Sali Berisha.

Ndërkohë drejtori i Përgjithshëm i Policisë së Shtetit është pyetur nga gazetarët nëse janë marrë masa për këtë eveniment.

Ai është shprehur se uniformat blu janë gjithmonë në gatishmëri për të ruajtur rendin dhe sigurinë publike.

“Policia është gjithmonë në gatishmëri për ruajtjen e rendit dhe sigurisë publike. Synojmë dhe gjithmonë policia ka qenë e drejtuar drejt informacionit dhe inteligjencës. Bazuar në informacionet që do të kemi do të merren masa”, deklaroi Gledis Nano.