Për herë të tretë/ Pensionistja fiton shumën marramendëse në lotari, ja për çfarë do t’i përdorë paratë

Shumë persona konsiderohen si të “lindur me këmishë” për fatin që kanë.

E tillë është dhe një pensioniste në SHBA.

Gruaja 61-vjeçare bleu dy bileta dhe pasi gërvishti të dytën, ajo zbuloi se ishte fituese e 50 mijë dollarëve.

Në fakt kjo ishte hera e tretë që ajo fitonte 50 mijë dollarë, në po të njëjtin dyqan, shkruan CNN.

Në gusht të 2018, ajo fitoi duke luajtur 50,000 dollarë dhe pak muaj më vonë edhe 50 mijë të tjerë.

Gruaja në pension tha se ishte e befasuar që fitoi për herë të tretë. “Unë thjesht nuk e besova”, u tha ajo zyrtarëve të lotarisë.

Gruaja fatlume po planifikon t’i përdorë paratë për disa përmirësime shumë të nevojshme në shtëpi.