Ishte në gjendje të dehur, përplaset me shtyllën e ndriçimit, pas kontrollit policia i zbulon shtetasit edhe…

Një 40-vjeçar ka përfunduar në prangat e policisë së Elbasanit, pasi duke drejtuar mjetin në gjendje të dehur është aksidentuar dhe ka dëmtuar një shtyllë ndriçimi.

Gjatë kontrollit fizik, policia konstatoi se ai mbante me vete edhe kokainë.“Specialistët e Sektorit për Hetimin e Narkotikëve në DVP Elbasan, bënë arrestimin në flagrancë për veprën penale “Prodhimi dhe shitja e narkotikëve”, “Shkatërrimi i pronës” dhe Drejtimi i automjeteve në mënyrë të parregullt” të shtetasi, L. P., 40 vjeç, banues në Elbasan.

Ky shtetas në lagjen “Luigj Gurakuqi” duke drejtuar në gjendje të dehur mjetin tip “Renault”, është përplasur me një shtyllë ndriçimi. Shërbimet e Policisë gjatë kontrollit fizik të ushtruar ndaj këtij shtetasi gjetën dhe sekuestruan në cilësinë e provës materiale një sasi të vogël lënde narkotike të dyshuar kokainë”, njofton policia.

Materialet i kaluan Prokurorisë së Rrethit Gjyqësor Elbasan për veprime të mëtejshme.