Në takimin e sotëm në kuadër të lëvizjes “Foltorja”, ish-kryeministri Sali Berisha është shprehur se që të vijë në pushtet Partia Demokratike, ekziston vetëm një mënyrë: ajo duhet të jetë sovrane.
Berisha tha gjithashtu se kjo betejë i përket të gjithë atyre që mbështesin idealet dhe vlerat.
“Është shkelmuar mbi sovranitetin e vendit. Kjo është pjesë sa e imja po aq edhe e juaja sepse nje parti sovrane është jetike, ndërsa një parti jo sovrane mbetet e pavlerë dhe Partia Demokratike nuk duhet të jetë e tillë. Në pushtet mund të vijë vetëm nëse respekton sovranin, vlerat, dinjitetin.
Kur unë nisa këtë betejë, unë jua them me sinqeritet se kisha vendosur të mbyllja takimet e mia. Kërkoj ndjesë që ato 8 vite kam mbështetur kryetarin që PD të kthehej në pushtet. Por nisa betëjën me bindjen se ju jeni njerzit e idealeve dhe lirisë. Se për ju dinjiteti njerëzor ka shumë rëndësi. Ne jemi shqiptarë, të parët tanë nuk i kanë thënë dinjitet por i kanë thënë nder. Edhe ne na duhet të sakrifikojmë për nderin. Së dyti në këtë nisëm unë gjeta tek ju ideale fisnike te arta”, deklaroi ish-kreu i qeverisë.
