Humbi vajzën dhe dhëndrin në aksident tragjik, burri pret në Bullgari tërheqjen e trupave (Video)

Asim Selami është nga Koliçani, mirëpo jeton në Shkup. Në aksidentin tragjik në Bullgari ka humbur të bijën dhe dhëndrin.

Që nga dita e djeshme është në Bullgari për të tërhequr kufomat, megjithatë ende nuk i kanë identifikuar.

“Kemi ardhur sepse bija dhe dhëndri im kanë vdekur në aksident. Jemi për analizë ADN dhe duhet të shkojmë në mjekësinë ligjore”, ka treguar ai.

Në datën 23 nëntor në Bullgari, në autostradën Struma, pas marrjes flakë të autobusit të “Besa trans”, vdiqën 45 persona dhe u lënduan 7 të tjerë. Udhëtarët ishin duke u kthyer në Shkup nga Stambolli – Turqia pas një ekskursioni 3 ditor.