Shpërthim i fuqishëm në Beograd/ Raportohet për humbje jete dhe të zhdukur, thyhen xhamat e dritareve (VIDEO)

Një shpërthim i fuqishëm ka tronditur Beogradin.

Ngjarja ndodhi rreth orës 14:00 të ditës së sotme në një fabrikë të prodhimit të armëve në Leshtane.

Sipas mediave të huaja raportohet për të paktën 4 viktima.

Gjithashtu mësohet se si pasojë e shpërthimit kanë mbetur të lënduar edhe 15 persona të tjerë.

Ekipet e kërkim-shpërthimit janë vënë në kërkim të punonjësve të fabrikës EdePro, që prodhojnë armë, të cilët po konsiderohen të zhdukur. Sipas dëshmitarëve në vendngjarje, shpërthimi ishte tepër i fuqishëm dhe u dëgjua në të gjithë zonën. Madje si pasojë e valës shpërthyese u thyen xhamat e disa banesave në Beograd.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Deri më tani ekipet e kërkim shpëtimit kanë mundur të nxjerrin një punonjës të gjallë nga rrënojat, ndërkohë që po vijon puna për shpëtimin e të mbijetuarve të tjerë.

Ogromna eksplozija u Bubanj Potoku, pre par minuta! pic.twitter.com/nNzS6KGrfm

— Dr Rock (@doktorzarock) November 23, 2021