Ndarja nga jeta e balerinës Hueyda El Saied ishte një lajm që trishtoi pa masë të gjithë opinionin publik shqiptar dhe jo vetëm.
Prej kohësh, artistja po luftonte me sëmundjen e rëndë, betejë të cilën fatkeqësisht e humbi.
“Unë nuk mund ta ndryshoj botën, por mund të ndryshoj stilin e flokëve të mi”, këto ishin fjalët e saja pasi zbuloi se kishte prerë flokët e saj kaçurrela, të cilat e karakterizonin.
Pasi ndryshoi lookun e saj, Hueyda përveç komenteve pozitive u përball dhe me kritika për ndryshimin drastik që kishte pësuar në pamjen e saj.
Mirëpo, ajo që nuk e dinte askush ishte fakti se pas këtij vendimi për të hequr kaçurrelat fshihej një sëmundje e rëndë.
Komentet e shumta që mori asokohe sollën reagimin e saj, e cila edhe pse po luftonte me sëmundjen, shprehej se ndihej mirë me veten dhe nëse do të ndryshonte diçka nga vetja me një shkop magjik nuk do të ishin flokët e saj.
