Ekzekutimi i dyfishtë/ Gjendet një automjet i djegur në Thumanë, dyshohet se u përdor nga autorët

Gjendet një makinë e djegur në zonën e Thumanës, vetëm një orë pas ekzekutimit të dyfishtë në zonën e Astirit në Tiranë.

Bëhet fjalë për një mjet tip “Honda”.

Në vendin e ngjarjes janë nisur shërbimet e zjarrfikëses dhe policia.

Dyshohet se automjeti i përket autorëve të dyshuar të këtij atentati. Zhvillime të tilla nuk janë të panjohura në ekzekutime të tilla.

NGJARJA:

Vrasja e dyfishtë ka ndodhur rreth orës 19:30 në zonën e quajtur “2 rrathët“ në Unazën e Re në Tiranë. Drejt një makine e cila ishte e parkuar në semafor, është zbrazur një breshëri kallashnikovi nga një mjet i cili ishte paralel me të.

Të vdekur kanë ngelur Armando Dumani dhe Erigers Mihasi, të dy persona me precedentë të mëparshëm penal për vjedhje me armë. Deri më tani nuk është bërë e munur identifikimi i autorit ose autorëve të dyshuar.