Identifikohen viktimat/ Ja kush janë të rinjtë që u ekzekutuan mbrëmjen e sotme në Tiranë (EMRAT)

Identifikohen dy personat që u ekzekutuan me breshëri kallashnikovi mbrëmjen e sotme në Tiranë.

Atentati ndodhi në zonën e Astirit.

Mësohet se të vdekur kanë mbetur shtetasit Erigers Mihasi 32 vjeç, dhe Armando Dumani 26 vjeç.

Dyshohet se drejt mjetit tip “Audi” ku ishte Mihasi, është afruar një mjet tjetër ku ndodheshin autorët. Këta të fundit kanë qëlluar me breshëri arme drejt “Audit” ku si pasojë mbetën të vdekur dy persona.

Menjëherë, autorët janë larguar nga vendngjarja drejt Ish-sheshit Shqiponja. Policia ndërkohë ka vendosur perimetrin e sigurisë në zonë dhe po shikon kamerat e sigurisë përreth, për të identifikuar makinën që ndodheshin autorët, por edhe të dhëna lidhur me identitetin e tyre.