Kancelarja e Gjermanisë Angela Merkel i ka bërë thirrje njerëzve që të bëjnë vaksinën, në mënyrë që të imunizohen kundër C OVID 19 sa më shpejt që të jetë e mundur, teksa shteti ka shënuar rekord rastesh të infektuarish.
“Nëse qëndrojmë së bashku, nëse mendojmë që të mbrojmë veten dhe të tjerët, ne mund ta shpëtojmë shtetin tonë gjatë këtij dimri”, tha Merkel. Sipas Mekel dozat përforcuese janë një shans i mirë që të ndërpritet vala e pandemisë.
Kancelarja Merkel pritet të takohet me udhëheqësit e 16 shteteve të Gjermanisë javën e ardhshme për të koordinuar masat e reja kombëtare dhe parlamenti po përgatit legjislacion, që do të mundësonte vendosjen e kufizimeve gjatë stinës së dimrit.
Sipas Qendrës për kontrollin e sëmundjeve në Gjermani, niveli i infektimit ka arritur në 277.4 raste në 100.000 banorë gjatë shtatë ditëve të fundit.
