Kryetari i Partisë Demokratike Lulzim Basha ka dalë hapur kundër paraardhësit të tij Sali Berisha.
Mbrëmjen e sotme ai u shpreh se për ta njohur mirë Berishën, duhet ta kesh kundërshtar.
Kjo ishte një shprehje të cilën Basha e kishte marrë nga një demokrat. Ai shtoi se deri më tani ka pasur fasho në sy, por tashe ka vendosur ta heqë këtë fasho, duke paralajmëruar se të tjera masa mund të merren kundër Berishës pas vendimit të 9 shtatorit për pezullimin e tij nga grupi parlamentar i PD-së.
Më tej, Lulzim Basha ka akuzuar gjatë një interviste me Robert Rakipllarin ish-liderin historik të PD-së se ka hapur luftë brenda llojit, duke shtuar se është e vërtetë që ka pasur marrëdhënie të ngushtë me Berishën por është tepër i zhgënjyer nga sulmet e pacipa që i ka bërë.
Sipas Lulzim Bashës, Sali Berisha po e përdor Foltoren për interesat e tij personale, konkretisht për luftën që ka kundër SHBA-ve, pasi non-grata e ka shpallur Amerika dhe jo PD.
PJESE NGA INTERVISTA:
A jam i shqetësuar për PD?
Jam shumë i shqetësuar për PD. Koha do ta provojë pse veprimet e mija kanë qenë për interesin më të mirë të demokratëve. Një nga të metat e mija qenka se jam shumë i arsyeshëm. Foltorja i është mbivendosur aktit për dhënien fund të mosndëshkueshmërisë së korrupsionit. Hapi luftë brenda llojit Sali berisha. Nuk mund mos ta them që ka patur arsye vetjake. Kam pasur marrëdhënie të ngushte me Berishën. Jam stepur nga sulmet e pacipa, gënejshtrat që ka hedhur drejt meje. Siç më ka thënë një demokrat i vjetër që ta njohësh Berishën duhet ta kesh përballë. Unë deri tani kam pasur një fasho në sy, të cilën s’do ta kem më. Koha e tyre ka mbaruar, kjo kohë nuk do të vijë më.
A mjafton pezullimi?
Me atë që ka bërë këto dy muaj, ka treguar qartë se atë që ka nisur për demokraci të brendshme, e ka sebep. Nuk e ka për demokracinë e brendshme të PD, por me SHBA-të. Sepse vebndimi ka ardhur nga SHBA-të. E ka shpallur non-grata. PD nuk mund të shërbejë si mburojë për një peerson non-grata. Askush nuk mund ta kthejë bunkier anti-amerikan për interesat e veta. Është detyrimi i çdo demokrati të mos e lejojë këtë gjë. Do të merret çdo vendim i nevojshëm që PD të mos kthehet bunkier për interesa personale i Berishës.
