SPAK ka shpallur sot në kërkim ndërkombëtar biznesmenin Rezart Taçi.
Mbi të rëndon akuza për pastrim parash.
Ndërkohë në një prononcim për mediat, Taçi është shprehur se prej 15 vitesh ndihet i persekutuar nga një ish-ministër i Financave në Shqipëri.
Ai ka zbuluar dhe emrin, duke thënë se bëhet fjalë për Ridvan Boden.
Biznesmeni shtoi se ai i ka vendosur çdo 2-3 muaj deri në vitin 2015 gjoba deri në 30 milionë euro.
PJESE NGA BISEDA:
Gazetari Elton Qyno: Nga cili vend flisni aktualisht?
Biznesmeni Rezart Taçi: Ju e dini mirë se çfarë do të thotë që të rritesh pa asnjë bashkëpunimi politik. Unë kam parë punët e mia dhe nuk ka bashkëpunuar politikisht. Kam punuar sipas të gjitha rregullave, por në Shqipëri është e pa tolerueshme të punosh i rregull dhe të shikosh punët e tua. Mua më janë vënë gjoba 20-30 milionë euro kundrejt personit tim çdo 2-3 muaj.
Qyno: Kush janë këta persona që ju kanë vënë gjoba?
Taçi: Këto janë gjoba nga institucione shtetore. Deri në vitin 2015 më kanë vënë gjoba.
Karriqi: Pse nuk i keni denoncuar, nuk keni pasur besim te drejtësia?
Taçi: T’i denoncosh ata kundër atyre institucioneve që kanë pasur drejtimin e këtyre institucioneve.
Karriqi: Nuk na e thatë emrin e ministrit të Financave të implikuar.
Taçi: Është z. Bode, Ridvan Bode.
Karriqi: Keni komunikuar me të lidhur me këto gjoba?
Taçi: Është një person që nuk e flet mirë shqipen.
