Sot sekretari i Përgjithshëm i Partisë Demokratike Gazment Bardhi ka treguar në konferencën për mediat një deklaratë të Flamur Nokës, i cili është shprehur gjatë një interviste televizive me 29 tetor, se firmat për mbledhjen e Kuvendit depozitohen te “zyra që protokollohen shkresat, tek salla qendrore”.
“Momentin që 1/4 e delegatëve e atij numri të deklaruar publikisht dhe të dokumentar të delegatëve depozitohen tek selia qendrore, ka një zyrë që protokollen shkresat, kryetari së bashku me kryesinë që nuk është mbledhur kurrë, kanë detyrë të operojnë, të thërrasin Kuvendin”, thotë Noka në videon e shkëputur nga një emision televiziv.
Bardhi tha se pikërisht është kjo procedura e paraqitjes së firmave, në zyrtar e protokollit në PD. Sipas tij, firmat nuk verifikohen në nisje të Kuvendit, siç pretendojnë përkrahësit e ish-kryeministrit Sali Berisha.
“Partia nuk është as kasafortë, as bunker. Ju lutem, depozitoni kërkesën në protokollin e PD, jepuni mundësinë institucioneve dhe të mbledhim Kuvendin“, u shpreh Gazment Bardhit, duke iu referuar qëndrimit të para pak ditëve të deputetit Flamur Noka.
“Nëse dikush ka vendosur të veprojë si celulë apo ilegalitet, është i lirë të veprojë, por jo në emër të demokratëve dhe jo në emër të PD”, shtoi ai gjatë një komunikimi me gazetarët.
