Pamjet nga vendngjarja/ Aksidenti ku u përplas Gazmend Paja, ja çfarë ndodhi në qendër të Tiranës

Paraditen e sotme rreth orës 11:08, aktori i humorit Gazmend Paja është aksidentuar në Tiranë, konkretisht në “Rrugën e Kavajës”.

Gjatë momentit të aksidentit, ai po udhëtonte me motomjetin e tij, kur është përplasur nga një makinë.

Ashtu siç duket edhe nga pamjet e siguruara, motori është rrëzuar përtokë, bashkë me aktorin, ndërsa ky i fundit shfaqet me kapuç në kokë, por pa skafandër.

Mjeti i tij është shtrirë në rrugë, teksa aktori ka pësuar lëndime të lehta, me vetëm pak gjakderdhje nga hundët, por pa pasoja për jetën. Ndërkohë që qytetarët dhe kalimtarët e rastit e kanë ndihmuar me një shami dhe ujë. Ndërkohë që ende nuk janë të qarta rrethanat e aksidentit.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Me datë 11.11.2021, rreth orës 11:08, në rrugën e Kavajës, mjeti me drejtues shtetasin E. K., është përplasur me një motomjet me drejtues shtetasin G. P.

Si pasojë është dëmtuar drejtuesi i motomjetit shtetasi G. P., i cili ndodhet në spital, nën kujdesin e mjekëve.

Grupi Hetimor është në vendngjarje dhe po punon për sqarimin e rrethanave të aksidentit.