“Tapë” në timon dhe i armatosur, kaloi semaforin me të kuqe, video e aksidentit tragjik në Tiranë

Detaje të tjera janë mësuar nga aksidenti i rëndë që ndodhi në orët e para të mëngjesit të sotëm te kryqëzimi i “21 Dhjetorit” në kryeqytet.

Mësohet se drejtuesi i automjetit “Citroen” Emirjan Doko ka qenë nën efektin e alkoolit dhe është futur në kryqëzim me semafor të kuq.

Si pasojë e aksidentit ka ndërruar jetë shoferi i automjetit tjetër që u përfshi në aksident Luan Cenollari dhe pasagjeri tjetër Ali Bejo, 69 vjeç.

ABC ka siguruar pamjet nga vendi i ngjarjes, ku duken automjetet e shkatërruara nga përplasja. Tanimë grupi hetimor po punon për sqarimin e rrethanave të aksidentit.