Në një konferencë të përbashkët me homologun e Holandës Mark Rutte, kryeministri Edi Rama ka zbuluar temat e diskutimit mes tyre, por nuk kanë munguar dhe batutat.
Kreu i qeverisë sonë u shpreh se u desh që Rutte të fitonte 4 palë zgjedhje që të vizitonte Shqipërinë.
Rama shtoi se vlerëson marrëdhëniet mes dy vendeve, ndërsa e falenderoi homologun e tij për angazhimin personal për të zgjidhur çështjen e vetos së Bullgarisë ndaj Maqedonise se Veriut.
Në fund nuk munguan as batutat për futbollin, ku Rama i tha se ketu në Shqipëri duket sikur keni fituar Kupën e Botës.
“Të gjitha vizitat e miqve dhe partnerëve tanë në Tiranë janë momente të veçantë, por ky është një moment shumë i veçantë që kemi sot më në fund në Tiranë, pas një kohe të gjatë, qysh se unë pata nderin të isha në zyrën e tij në Hagë në u mikprita si të isha në shtëpinë time, sot kryeministri Mark Rutte është në Tiranë. Iu desh të fitonte 4 palë zgjedhje që të vinte në Shqipëri.
Kjo ndodh në një moment të veçante, ku Holanda e ka mbështetur hapur hedhjen e hapit të mëtejshëm për Shqipërinë dhe thirrjen e konferencës së parë ndërqeveritare.
Kjo marrëdhënie shkon përtej procesit të integrimit. Ne kremtuam 50 vjetorin e marrëdhënieve me Holandën. Imapkti i Holandës në Shqopore rritet vit pas viti. Nga një anë përmes projekteve, nga ana tjetër për arsye të rritjes së pranisë së biznesit holandez në Shqipëri, që nga kompania Shell deri tek arkitektët holandezë që janë përfshirë në zhvillimet e fundit dhe përtej këtyre rritjes së turistëve holandezë. Kemi folur për fushën e sigurisë. Progresi i bërë do të rritet si pasojë e rritjes së kapacitete të vëna në dispozicion.
Kemi folur edhe për një qasje më të hapur ndaj të rinjve, në zonat rurale për ti përfshirë ata në programe të mëtejshme.
Kemi folur edhe për momentin ku jemi. E dimë që Franca Holanda gjermani etj janë gati të ulen në tryezë me Shqipërinë për të nisur procesin e gjatë me negociatat, por duhet zgjidhur vetoja e Bullgarisë për Maqedoninë e Veriut. Unë e falënderoj Markun për negociatat me Bullgarinë për ta zgjidhur këtë çështje.
Ky është një vend që ka shumë ndjekës dhe tifozë të kombëtares holandeze dhe për ta është një ditë e veçante sepse flamujt holandeze ka në gjithë rrugët e Tiranës dhe duket sikur e fituat edhe Kupën e Botës, të paktën këtu në Tiranë”, tha Rama.
