Për 30 vjet stafi i spitalit piu ujin e tualetit gabimisht

Mund të duket mjaft e pabesueshme por një spital japonez ka përdorur për 30 vite gabimisht ujin e tualetit për konsum.

Sipas Yomiuri Shimbunit, Universiteti i i Osakës në Japoni njoftoi në datën 20 tetor se disa nga gypat e ujit të rubinetit në spitalin që është pjesë e departamentit mjekësor të këtij institucioni ishin kyçur gabimisht, duke bërë që gypat e ujit të pijshëm të lidhen me ato të nevojtoreve.

Ky spital ishte ndërtuar në vitin 1993, dhe gabimi me lidhjen e gypave të ujit kishte zgjatur gati 30 vite

Gjatë kësaj periudhe, punëtorët e klinikës dhe pacientët e kishin përdorur ujin e tualetit për të pirë dhe për të larë duart.

Spitali e zbuloi këtë problem gjatë një inspektimi teksa po bënte një ndërtesë të re të diagnostifikimeve dhe trajtimeve mjekësore.