“Nuk doja të zemëroja mamin prandaj…”/ Hyri gjatë natës në palestër për të vjedhur, policia italiane kap mat shqiptarin!

“Nuk doja të vidhja asgjë, u vonova me miqtë e mi dhe nga frika mos zemëroja mamin, nuk shkova fare në shtëpi”. Kështu i tha gjykatës një 25-vjeçar shqiptar i arrestuar në Itali pasi u kap duke vjedhur në një palestër.

“I vetmi vend ku mund të flija ishte palestra Travo, por fatkeqësisht mbërritën karabinierët” – vijon më tej i riu.

Ngjarja ka ndodhur në orët e para të mëngjesit të së shtunës në zonën e Rivergaros. Ka qenë alarmi i palestrës që vuri në lëvizje autoritetet.

Në momentin kur mbërritën oficerët e policisë, gjetën të riun i cili po tentonte të largohej nga një prej dritareve të palestrës.

Gjatë kontrollit, të riut shqiptar iu gjet një prej veglave të palestrës.

Në fund gjykata vendosi arrest shtëpie për të riun shqiptar.