LIGJET E BIZNESIT
Kryeministri Edi Rama ka paralajmëruar nga Vlora kryebashkiakët e vendit se në rast të mos pastrimit të mbetjeve urbane ata do të ndiqen penalisht. Në kuadër të planit të veprimit të pastrimit rrënjësor të Shqipërisë aksioni do të nis ditën e sotme në Pyllin e Sodës në Vlorë. Rama u tregua i prerë me drejtuesit vendor se nëse në qytete krijohen grumbullime mbetjesh, nuk do të ketë asnjë tolerim për ta.
“Fillimisht do të pastrohen të gjitha pikat e nxehta dhe më pas do të parandalojmë që të mos rikrijohen më këto pika. Nuk është hera e parë që ne bëjmë aktivitete të tilla. Është koha jo vetëm të ndahen por edhe të kërkohen nga secili nga çdo institucion dhe çdo individë. Ministria e Turizmit ka nxjerrë se sa i kushton pastrimi çdo bashkie dhe në bazë të kësaj do të parashikohet edhe buxheti pasardhës i bashkive.
Çdo bashki sot ka në dispozicion një pikë fundore për grumbullimin e mbetjeve dhe është e patolerueshme që plehrat të grumbullohen në mes të rrugës. Asnjë bashki nuk do të lejohet që për justifikime të pajustifikueshme në vend që ti çojë ato në pikën fundore që krijojë pika të tjera të paligjshme grumbullimi dhe për këtë ligji parashikon sanksione për kryetarët e bashkive dhe vetë bashkitë”, tha Rama
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
