Sipas MeteoAlb, vlerat e larta barike do të sjellin mbizotërim të kushteve të qëndrueshme atmosferike në të gjithë vendin tonë, gjatë gjithë ditës. Parashikohet që zonat Jugore dhe Qëndrore të jenë në dominimin e kthjellimeve, po herë pas here do të ketë dhe kalime të lehta vranësirash. Ndërsa në zonat Veriore pritet që vranësirat të jenë më të dukshme, por nuk do të sjellin reshje.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 7°C deri në 27°C.
Era do të fryjë e mesatare me shpejtësi 40 km/h, mbetet nga drejtimi Jugor duke sjellë në brigjet detare dallgëzim 3 – 4 ballë.
