Zbardhet dëshmia e 54-vjeçarit Kabil Hunda, para oficerëve të Policisë Gjyqësore në Gjirokastër.
Sipas informacioneve i akuzuari është marrë mbrëmjen e djeshme me forcë për në ambientet e komisariatit.
Ai nuk pranonte të shoqërohej pasi kërkonte të mësonte arsyen.
Kabil Hunda është marrë në pyetje në orën 23:30 te mbrëmjes së djeshme nën një situatë të rënduar të shëndetit mendor.
Kur i është komunikuar ngjarja e ndodhur, ai ka filluar të bërtasë dhe replikuar me oficerin e policisë gjyqësore ndonëse ishte prezent edhe një avokat i vendosur nga shteti.
Mësohet se 54-vjeçari ka mohuar te gjitha akuzat e ngritura të pretenduara për përdhunim sistematik nga 16-vjeçarja.
‘Nuk janë të vërteta akuzat, nuk dëshiroj të jap asnjë lloj shpjegimi për këtë ngjarje të montuar, por do të shprehem në një moment të dytë’-ka deklaruar Hunda.
Seanca e pyetjeve është karakterizuar me pauza disa minutëshe për shkak të gjendjes tepër të rënduar emocionale të 54-vjeçarit i cili në një moment i ka rënë murit me kokë.
Pas refuzimit të dhënies së shpjegimeve të tij, dosja hetimore nuk është dorëzuar ende në organin e akuzës pasi pritet të plotësohet me dy dëshmi të tjera.
Pritet që sot pasdreke ose nesër në mëngjes dosja t’i dorëzohet prokurorit të çështjes që ëshhtë i specializuar për rastet e dhunimit të fëmijëve.
