Pas djegies që një i ri serb i bëri flamurit shqiptar në Beograd, kryeministri Edi Rama deklaroi se presidenti i Serbisë Aleksandar Vuçiç nuk ka përse t’i kërkojë falje.
“Pse duhet të kërkohet falje kur një personazh eksremist…cdo vend ka kokboshët e vetë, cdo pyll ka derrat e vetë. Është arrestuar nga policia dhe po ndiqet penalisht.
Flamurët shqiptarë janë kudo, jam i bindur se të gjitha gjërat që ndodhin janë të pashmangshme sepse situata është e nxëhetë mes shqiptarëve mes serbëve për shkak të mosnjohjes së Kosovës. Edhe tensionet më të mëdha të ndodhin, sot zbehen më shpejt se më parë.
Jemi dy kombet më të mëdha në rajon, mund të bëjmë atë që francezët dhe gjermanët bënë për Europën”, deklaroi kreu i qeverisë në samitin “Ballkani i Hapur”.
