Pas helmimit masiv nga uji në Krujë, ku qindra qytetarë për disa ditë me rradhë u paraqitën për ndihmë mjekësore në spital, Prokuroria ka vendosur të ndjekë penalisht tre persona.
Sipas informacionit zyrtar, janë marrë gjitashtu nën hetim shtetasit:
Ledio Çela Administrator i Ujësjellës Kanalizimeve Krujë
Andi Kupa Drejtues teknik
Ervin Karafili Shef i Shërbimit të Epidemologjisë dhe Higjenës Krujë
Të tre këta persona dyshohen se janë përgjegjës për kryerjen e veprës penale “Shpërdorim i Detyrës” që me veprimet e tyre kanë lejuar ndotjen e ujit të pijshëm dhe dëmtimin e shëndetit të qytetarëve të Krujës.
Prokuroria e Rrethit Gjyqësor Krujë ka kërkuar gjithashtu pezullimin nga detyra të 3 zyrtarëve të mësipërm.
