Gjatë mbledhjes së sotme të Komisionit të Ligjeve, u diskutua në lidhje me projekt-ligjin për buxhetin e vitit 2022, i cili u parashtrua nga ministrja e Financave dhe Ekonomisë, Dalina Ibrahimaj.
Ndërkohë nuk munguan as pyetjet edhe nga deputetët e opozitës.
Një prej tyre ishte dhe ajo e Dhurata Çupit, deputete e PD, për ministren Ibrahimaj.
Ajo e pyeti nëse qytetarët do të paguajnë taksë për të kaluar në Rrugën e Arbrit.
Çupi: Në kontratë thuhet që do vendoset taksa 4 euro për dibranët që do kalojnë në rrugë për të ardhur në Tiranë? Dhe 4 euro të kthehet në Dibër. Është parashikuar kjo taksë?
Pyetjes ministrja iu përgjigj duke thënë se aktualisht nuk ka asnjë parashikim buxhetor për të paguar tarifë për rrugën.
Ibrahimaj: Ne jemi ministria e financave dhe ekonomisë, ne bazohemi në kërkesa që janë zyrtare dhe për këtë kërkesë nuk ka asnjë parashikim buxhetor aktualisht. Ky është koncesion, ne kemi parashikuar pagesën e këtij koncesioni në bazë të çfarë dokumentacioni kemi aktualisht në dispozicion dhe në bazë të kontratës koncesionare.
