Mesditën e sotme një apartament në katin e parafundit të një pallati te Tregu Elektrik është përfshirë nga flakët.
Në momentin e ngjarjes brenda ka qenë një grua dhe një fëmijë.
Për fat të mirë ata janë nxjerrë pa lëndime dhe po marrin ndihmë mjekësore në spital.
Për shkak të flakëve ka vetëm dëme materiale në banesë.
Zjarrfikësit kanë vënë menjëherë në kontroll flakët duke bërë shuarjen e zjarrit.
Grupi i hetimit po merret me dokumentimin e provave në vendngjarje për të zbuluar shkaqet dhe rrethanat e ngjarjes.
