Shiti tek hasmi shokun e fëmijërisë, merret vendimi maksimal për Mikel Alian

Gjykata e Lezhës ka marrë vendimin për të dënuar me 21 vite e 4 muaj burg 42-vjeçarin Mikel (Gjovalin) Alia, i akuzuar për “Vrasje e kryer në bashkëpunim”.

Gjykata dha dënimin maksimal për Mikel Alian me 32-vite burg, ashtu sikurse kishte kërkuar prokuroria, por duke qenë se përfitoi nga gjykimi i shkurtuar iu ul dënimi. Kështu Aliu do të qëndrojë pas hekurave për 21 vite e 4 muaj.

Mikel (Gjovalin) Alia është personi i vetëm i marrë si i pandehur për vrasjen e Eri Zefit, i cili u ekzekutua më 1 tetor të 2019 në Zall Xhuxhë të Mirditës.

Përmendim që ngjarja ka ndodhur më 1 tetorit të vitit 2019. Ekzekutimi i të riut dyshohet të jetë kryer për hakmarrje, pasi vëllai i viktimës është i dënuar vrasjen e një familjari të të akuzuarit.

Gjovalin (Mikel) Alia dhe Eri Zefi ishin shokë të ngushtë fëmijërie. Viktima ishte ngujuar që prej shkurtit të vitit 2019 për shkak se vëllai i tij Ndue Zefi vrau fqinjin e tyre Martin Ndrecën.

Mikel (Gjovalin) Alia akuzohet se nxori në pritë para atentatorëve Zefin, duke i kërkuar që të shkonin të vidhnin drogë, por që më pas u ekzekutua me breshëri plumbash.