“Zoti e mori me qetësinë dhe dinjitetin që i fali në çdo çast”, Basha: Sot i dhamë lamtumirën babait tim Xhelalit

Kryetari i Partisë Demokratike Lulzim Basha ka reaguar për herë të parë, pasi humbi të atin.

Ai ka falënderuar të gjithë miqtë që iu gjendën pranë familjes së tij.

Basha shkruan në një postim në “Facebook” se babai i tij u nda nga kjo jetë pas një beteje të gjatë, teksa nuk mungon dhe një falënderim për personelin shëndetësor.

MESAZHI I PLOTË
Sot i dhamë lamtumirën babait tim Xhelalit i cili u nda nga kjo jetë pas një beteje të gjatë, duke na hidhëruar dhe ligështuar, mamanë time Remzijen, mua dhe vëllain tim Erlindin, Aurelën, vajzat, familjarët dhe miqtë e shumtë të tij dhe familjes. Ai u largua në paqe i rrethuar nga dashuria dhe përkujdesi i njerëzve të tij të dashur.

Në këto momente dhimbje të rëndë për familjen tonë, falënderojmë me mirënjohjen më të thellë të gjithë miqtë dhe dashamirët që na u gjendën dhe na lehtësuan, me praninë, mendimet, mesazhet, lutjet dhe mbështetjen e tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Falënderojmë mjekët, infermierët dhe të gjithë personelin shëndetësor për përkujdesjen e tyre të dhembshur për babain gjatë gjithë kësaj periudhe.
Për familjen tonë kjo është një humbje e madhe. Por po kaq i madh është ngushëllimi që Zoti e mori me qetësinë dhe dinjitetin që i fali në çdo çast të jetës së tij, si dhe lutjet tona që shpirti t’i prehet në paqe!