Me këngë e valle/ Ja si e presin simpatizantët demokratë ish-kryeministrin Sali Berisha në Kamzë

Në kuadër të lëvizjes “Foltorja”, ish-kryeministri Sali Berisha ndodhet sot në Kamzë.

Para takimit, ai është pritur në Pallatin e Kulturës nga simpatizantët demokratë me këngë dhe vallë.

Kujtojmë se “Foltorja” e Berishës erdhi pas dëbimit të tij nga Grupi Parlamentar i Partisë Demokratike, dhe tashmë është një luftë e hapur mes këtij të fundit dhe liderit të kësaj force politike Lulzim Basha.

Nga njëra anë Basha është rikthyer me opozitën në Kuvend, ndërsa nga ana tjetër Berisha ka ndërmarrë një tur nëpër qytete të ndryshme të vendit për të rikthyer parimet bazë të PD-së dhe kundërshtuar sipas tij aleancën e krijuar Rama-Basha.