Shoferi i një makine që vinte nga Shqipëria ka thyer traun e doganës greke të Mavromatit (Qafë-Botë).
Ai nuk i është bindur policëve për kontroll, por ka shtuar shpejtësinë dhe më pas është future në tokën helene.
Menjëherë 6 mjete të policisë greke janë vënë në ndjekje të automjetit për rreth 30 kilometra derisa i kanë bllokuar rrugën brenda qytetit të Igumenicës.
Në tentativë për t’u larguar, drejtuesi i mjetit, shtetas shqiptar, ka përplasur një nga mjetet e policisë por fatmiresisht pa lënduar njeri.
Drejtuesi është shoqëruar në policinë e Igumenicës ndërsa mjeti po i nënshtrohet një kontrolli të imtësishëm.
Deri tani nuk është gjetur asnjë gjë e dyshimte në makinë dhe policia dyshon se kemi të bëjmë me një person me probleme psikologjike.
