LIGJET E BIZNESIT
Banorët e fshatrave Novosej dhe Turaj në Kukës, kanë ngritur shqetësimin e tyre për amortizimin e vazhdueshëm të rrugëve kryesore teksa shtojnë se qarkullimi me makinë është tepër i vështirë. Në rast të një problemi shëndetësor, banorët shprehen se do të ishte tejet e vështirë që të arrihej në kohë për të marrë trajtimin e duhur.
Ata thonë se që prej kohës kur në krye të vendit ka qenë Enver Hoxha, nuk është bërë asnjë lloj investimi në infrastrukturë. Ndërsa më tej, një grup banorësh kanë ndërmarrë një iniciativë për të rregulluar rrugën tejet të amortizuar. Banorët kanë mbledhur në total 4 milionë lekë të vjetra me qëllim shtrimin e rrugës.
Banorët:
Lëvizja në aksin Novosej-Turaj është katastrofë, çdo gjë e kotë. Problemet qëndrojnë tek bashkia, rruga është në gjendje të mjerueshme. Investimi i fundit mund të jetë bërë në kohën e Enver Hoxhës, bashkia vetëm njëherë ka ardhur ka lëshuar një dy fadroma dhe i ka nxjerrë në story Safet Gjici dhe kaq.
Më para shkojmë me gomar sesa me makinë. Shkon rruga 20 minuta me makinë. Rruga është në total 1400 metër, kjo që përshkrojmë ne. Nëse do ishte e rregulluar shkon deri në 3 minuta maksimumi.
Ne si banorë kemi marrë një iniciativë, kemi mbledhur 4 milionë lekë nëpër familje. Do bëjmë kanalin e rrugës dhe mbushjen. Gjithcka është me iniciativën tonë. Shteti ka 30 vite që nuk vë dorë, as PD dhe as PS.
