LIGJET E BIZNESIT
Në kujtim të fëmijëve të cilët u vranë në sulmet e Izraelit në Rripin e Gazës, u organizua një fushatë mbjelljeje pemësh.
Çdo pemë e mbjellë në kuadër të kësaj fushate, që synon rritjen e hapësirave të gjelbra në Gaza, mori emrin e fëmijëve të vegjël që humbën jetën në sulmet izraelite në muajin maj.
Fushata pati pjesëmarrjen e qindra palestinezëve, e cila u organizuar nga “Dolphin Club” dhe “Tariq System and Project Company”, organizata joqeveritare lokale në rajon, e realizuar në bashkëpunim me Bashkinë e Gazës dhe Këshillin e Lartë të Rinisë dhe Rinisë dhe Sporteve.
Kryetari i Bashkisë së Gazës, Yahya es-Sarraj, deklaroi se me këtë fushatë synohet një Gaza më e gjelbër dhe se palestinezët kanë treguar sërish përkushtimin ndaj tokës së tyre.
Përmendim se në sulmet e ndërmarra nga Izraeli në Rripin e Gazës në maj, humbën jetën 254 palestinezë, nga të cilët 66 ishin fëmijë dhe 39 gra.
Rreth 2000 persona të tjerë u plagosën dhe qindra mijëra banesa u shëmbën, duke lënë në qiell të hapur banorët. Në datën 21 maj u nënshkrua armëpushimi me Izraelin.
