Plas e qeshura në studion e emisionit “Të Paekspozuarit”, pasi ish-deputeti i njohur Nikoll Lesi u shpreh se kreun demokrat Lulzim Basha do e rrahin në sallë nëse shkon në Kuvendin e Partisë Demokratike.
Ishte gazetarja Anila Basha ajo e cila i tha ish-deputetit Arben Ristani se në Kuvendin e PD-së, kryedemokratit do t’i bëhej akuza dhe do jepej edhe vendimi për të pa prezencën e tij, por Ristani e kundërshtoi këtë, duke u shprehur se Basha do të shkonte në Kuvend për të mbrojtur veten.
Pikërisht kjo deklaratë e Ristanit solli edhe batutën e Nikoll Lesit, pas të cilës 3 gazetarët, Ylli Rakipi, Anila Basha dhe Nikoll Lesi i kapi e qeshura, duke detyruar kështu moderatorin të ndërpresë emisionin.
Pjesë nga debati:
Anila Basha: Shkarkohet zoti Basha?
Arben Ristani: Pasi të shqyrtohet, do ketë një vendimmarrje
Anila Basha: Ju do i bëni gjyqin zotit Basha pa prezencën e tij, do jepni edhe akuzën, edhe vendimin
Arben Ristani: Në Kuvend bashkë me demokratët do kuvendojmë si njerëz të qytetëruar
Anila Basha: Aty mund të vijë zoti Basha, ta fërshëlleni, ta fyeni
Nikoll Lesi: Të vijë në sallë aty ai? Aty e rrahin. Kush e lë me hy aty
