“Squid Game”  është seriali korean që prej më shumë se një muaji ka pushtuar globin.

Më i ndjekuri në Netflix , ai ka thyer çdo rekord të shikueshmërisë.

Por të gjitha këto shifra nuk e kanë bërë aspak të pasur krijuesin/ regjisorin e nëntë episodeve Hwang Dong-Hyuk.

50-vjeçari i cili shkroi skenarin dhe ishte regjisor i nëntë episodeve të “Squid Game”, u pyet në një intervistë nëse ai tashmë është po aq i pasur sa konkurrenti fitues i lojës, por ajo që do ju habisë është përgjigja që ai dha.

Ai qeshi dhe tha: “Unë nuk jam aq i pasur, por unë kam mjaftueshëm para për të shtruar ushqim mbi tryezë. Nuk është se Netflix po më paguan një bonus. Netflix më pagoi sipas kontratës origjinale”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dokumentet e zbuluara treguan se prodhimi i shfaqjes kushtoi 15.5 milionë funte (21.28 milionë dollarë), që rezulton në 1.75 milionë funte (2.4 milionë dollarë) për episod.

Netflix tani vlerëson se mbi 142 milionë abonentë e kanë parë shfaqjen, duke përfshirë 4.4 milionë abonentë të rinj, dhe vetë shfaqja besohet se vlen rreth 650 milionë funte (892.2 milionë dollarë) për Netflix-in në tërësi.

Hëang zbuloi gjithashtu se skenari dhe regjia e çdo episodi ishte një sprovë kaq stresuese saqë ai humbi gjashtë dhëmbë gjatë prodhimit.

“Ishte e lodhshme fizikisht, mendërisht dhe emocionalisht. Vazhdova të kisha ide të reja dhe të rishikoja episodet ndërsa po filmonim, kështu që sasia e punës u shumëfishua”, tha Hëang.

Ai gjithashtu zbuloi se seriali origjinal ishte frymëzuar nga vështirësitë financiare të familjes së tij, pas kolapsit ekonomik global të vitit 2009.

Hwang tregoi se ishte duke punuar në një film, por nuk arriti të merrte financim. “Kështu që nuk mund të punoja për rreth një vit. Na u desh të merrnim kredi – nëna ime, unë dhe gjyshja ime”.

“Squid Game” u publikua më 17 shtator, me regjisorin Hwang që zbuloi se qëllimi ishte të ishte shfaqja numër 1 në Netflix…për vetëm brenda një dite.

Hwang foli edhe për thashethemet për një sezon i dytë, por ai nuk është ende i sigurt nëse do të ndodhë, pasi ka projekte të tjera për të cilat dëshiron të punojë.

“Sigurisht që flitet. Kjo është e pashmangshme sepse ka qenë një sukses i tillë. Unë jam duke e vënë atë në konsideratë. Kam një projekt të nivelit shumë të lartë në mendjen time, por nuk do ta punoj menjëherë. Ka një film që dua ta bëj shumë. Unë jam duke menduar se çfarë të bëj më parë.”, tha ai.