“Qeveris me banda” Berisha akuza Ramës: Edhe një ujësjellës që bëri helmoi qytetarët

Ish-kryeministri Sali Berisha ndodhet sot në Lezhë në kuadër të lëvizjes së tij “Foltorja”.

Ai u shpreh se qeveria nuk ka bërë asnjë investim, madje edhe ujësjellësi që inaguroi në Krujë po helmon qytetarët.

“8 vite në pushtet Rama ndërtoi në Shqipëri narkoshtetin e vetëm në Evropë. Qeveris me banda, qeveris me krimin, ka vendosur Shqipërinë në të njëjtën linjë me Afganistanin e talibanëve. Ula varfërinë ekstreme 4 herë dhe rritem rrogat, duke dalë në krye të vendeve të rajonit. Ndërtuam 11 mijë kilometra rrugë.

Edhe ujësjellësi që inauguroi në malet e Krujës po helmon qytetarët. Këto 8 vite asnjë investitor madhor i huaj nuk erdhi në Shqipëri. Në këto tetë vite Shqipëria u ngjit në çatinë e botës për korrupsionin dhe zë vendin e dytë”, tha Berisha.