LIGJET E BIZNESIT
Në mbledhjen e organizuar sot, kreu i qeverisë Edi Rama është treguar i ashpër me kryetarët e Bashkive të vendit.
Ai iu ka bërë thirrje që të merren masat për drejtorët e UKT-ve, pasi po kërkohen rekrutime serioze për këtë ndërmarrje.
“Çfarë profili kanë drejtorët e UKT në Shqipëri? Sa janë në profilin e tyre? Merrni masat vetë para se këto pasqyra të mbeten në histrinë e humorit dhe satirës shqiptare. Do kërkojmë rekrutim serioz për ndërmarrje. Prej 30 vitesh i bihet me top. Nuk janë zyra punësimi për njerëz që nuk janë fare në Shqipëri, nuk shkojnë fare në punë apo shkojnë në punë dhe bëjnë dëme.
Marrim ne përgjegjësinë në emër të autonomisë dhe përgjegjësimit për të qenë i lirë për të marrë vendime nuk mund të shkohet deri këtu. Kjo nuk është autonomi por abuzim i hapur për votën e popullit. Askush nuk iu ka kërkuar asnjëherë që të bëni politikë sociale. Se ia vini emrin sociale ç’do lloj mosveprimi. Dëgjova që kishit çështje sociale me ato gururet që Ministria e Mjedisit ka vendosur para drejtësisë.
Medemek edhe këtë anën sociale këtu, me idenë e gabuar se po humbisni vota, i lini të rrjedhin paratë e popullit. Nuk është sociale të flasësh në emër të një numëri punonjësish në një gurore që nuk mbjell pastaj malin. E kjo tjera është anti-sociale dhe krim kundër fëmijëve”, deklaroi ndër të tjera Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
