Një 17-vjeçare ka humbur jetën këtë të enjte në Maqedoninë e Veriut pasi ishte infektuar me covid.
E reja është viktima më e re me koronavirus në këtë shtet, që prej fillimit të pandemisë.
Ministria e Shëndetësisë ka bërë të ditur se viktima, e cila vuante nga mbipesha, është dërguar në Klinikën Infektive në Shkup në gjendje shumë të rëndë më 19 tetor, pasi një ditë më parë ishte paraqitur për herë të parë për kontroll mjekësor në Spitalin e Manastirit.
