“Gabim i madh politik e njerëzor” Barazoi Berishën me Ramën dhe Metën, Paloka i kundërvihet Bashës

Pas deklaratës së bujshme sot në Kuvend, ku lideri i opozitës Lulzim Basha etiketoi si “Trekëndësh të Bermudave” Edi Ramën, Sali Berishën dhe Ilir Metën, ka ardhur dhe reagimi i deputetit të Partisë Demokratike Edi Paloka.

Ai i ka tërhequr vëmendjen Bashës duke thënë se ka bërë një gabim politk dhe njerëzor duke vendosur në shenjë barazimi  ish-kryeministrin Sali Berisha dhe atë aktual Edi Rama.

Paloka i kërkoi Bashës që në petkun e kryetarit të PD-së nuk mund të bëjë këtë krahasim.

“Nuk jam këtu për hallet e tua, Berishës apo Metës, Basha-Ramës: Bashkohu me ta dhe formo trekëndëshin e Bërmudës, qani hallet, koha juaj ka mbaruar”, është “Screen shot” i titullit të lajmit të shpërndarë nga Paloka.

“Ky eshte gabim i madh zoti Basha ! Gabim i madh politike e njerezor ! Sado mllef te te jete mbledhur keto kohe nga nje situate qe ne fakt vete e krijove, nuk mund ti lejosh vetes te vendosesh kurre e ne asnje rrethane , shenje barazimi mes Sali Berishes dhe Edvin Rames ! Te pakten jo duke perfaqesuar demokratet”, shkroi Paloka.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern