“Fikni makinat në mes të rrugës” Autostrada Tiranë-Durrës do të bllokohet nesër në këtë orë (FOTO)

Nesër në orën 13:00 është paralajmëruar një protestë për uljen e çmimit të karburantit.

Në një njoftim që po bën xhiron e rrjeteve sociale, thuhet se ditën e premte do të kërkohet që në autostradën Tiranë-Durrës të fiket makina në mes të rrugës.

“Protestë! Fike makinën!”, thuhet në lajmërimin e shpërndarë nga shoqëria civile.

Kjo protestë vjen pas rritjes së çmimit të gazit e cila në fillim të vitit 2021 ishte nga 50-60 lekë për litër, por nga një vëzhgim në pikat e karburanteve rezulton se çmimi është rritur deri në 90 lekë për litër. Edhe nafta është shtrenjtuar sërish me 10 deri në 20 lekë për litër, duke ndikuar drejtpërdrejtë tek xhepat e familjeve shqiptare.