Vajza po zihej para shkollës/ Babai ndërhyn gjatë sherrit dhe godet një 14-vjeçare, ja si e pëson në fund

Ndalohet një 45-vjeçar në Sarandë nga policia pasi akuzohet se ka goditur një minorene.

Nga specialistët për Hetimin e Krimeve në Komisariatin e Policisë Sarandë u ndalua shtetasi H. R., 45 vjeç, banues në Sarandë, pasi dyshohet se për motive të dobëta ka goditur një shtetase të mitur 14 vjeçe.

Mësohet se 14-vjeçarja ishte zënë me të bijën para shkollës dhe babai ka ndërhyrë duke qëlluar adoleshenten. Materialet iu referuan Prokurorisë, për veprime të mëtejshme.