LIGJET E BIZNESIT
Kryeministri i Polonisë Mateusz Morawiecki ka lëshuar një paralajmërim të frikshëm.
Ai u shpreh se Komisioni Europian rrezikon të ndezë fillimin e Luftës së Tretë Botërore, nëse nuk i jep dritën njeshile planit të rimëkëmbjes polake.
Në një intervistë për “Financial Times”, Morawiecki akuzoi Komisionin Europian se i ka vënë qeverisë së tij “pistoletën në kokë”, mbi negociatat në lidhje me fondet për programin e rimëkëmbjes së Polonisë duke ia kushtëzuar me sundimin e ligjit.
“Këto para duhet të ishin disbursuar tashmë. Kjo është një shkelje e procedurës nga Komisioni”, shtoi Morawiecki. “Ata janë në shkelje të sundimit të ligjit”.
Ai gjithashtu kërcënoi se do të hakmerrej duke përfshirë potencialisht kundërshtimin ndaj politikës së BE-së për ndryshimet klimatike. Ai kërkoi që Komisioni të tërhiqte kërkesën për gjobat ditore të paguara nga Varshava për moszbatimin e vendimit të korrikut të Gjykatës së Drejtësisë për pavlefshmërinë e Dhomës Disiplinore të Gjykatës së Lartë Polake.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ne do t’i marrim këto para herët a vonë,” tha ai, duke paralajmëruar se “sa më vonë t’i marrim, aq më e fortë do të jetë prova se ekziston një trajtim i tillë diskriminues dhe një qasje diktatoriale nga Komisioni Evropian”.
I pyetur nga Euractiv, eurodeputeti Andrzej Halicki (EPP) e përshkroi qasjen e Moraëieckit si “një strategji vetëvrasëse”. “Ai dëshiron të kënaqë Jaros?aë Kaczy?skin dhe të shpëtojë veten nga detyrimi për të dhënë dorëheqjen”, tha Halicki, partia e të cilit kundërshton partinë Ligj dhe Drejtësi në pushtet.
“Morawiecki dëshiron të tregojë se është “më i vështirë” se [ministri i drejtësisë] Ziobro ose [ish-kryeministri] Szydlo”, dhe çmimi për arritjen e këtij objektivi janë interesat kombëtare polake,” përfundoi Halicki.
