Një ngjarje e rëndë ndodhi mbrëmjen në fshatin Mekat të Vlorës.
Genc Koreta, 39-vjeç vrau me armë gjahu xhaxhain e tij Jorgji Koreta, 64 vjeç.
Por duket se ky konflikt i ka patur rrënjët më të thella, që datonin para 10 vitesh.
Vdekja e djalit të tij në një aksident me makinë ku udhëtonte me 39-vjeçarin, duket se ka qenë shkak i debateve të shpeshta që ai ka patur me xhaxhain.
Vetë Jorgji por edhe bashkëshortja e tij, e akuzonin shpesh Gencin që ishte përgjegjës për aksidentin me vdekje të djalit të tyre.
Edhe vetë 39-vjeçari nuk kishte mundur dot ta përballonte aksidentin tragjik dhe që atëhere vuante nga një gjendje e rënduar psikologjike.
Këtë e thonë dhe vetë familjarët nën zë si shkak të sherrit që përfundoi me vrasjen e 64-vjeçarit Jorgji Koreta dhe më pas vetëvrasjen e 39-vjeçarit Genc Koreta mbrëmjen e djeshme në fshatin Mekat të Vlorës.
Ja si ndodhi ngjarja:
Ditën e djeshme kishte udhëtuar nga Vlora drejtë Mekatit për t’i vjel këta ullinj së bashku me nipin e tij Gencin në tokën që ndodhej pranë shtëpisë së tij. Sherri mes tyre mendohet se ka nisur pikërisht për rrënjët me ullinj dhe më pas 39-vjeçarit i është kujtuar edhe një herë se ishte përgjegjës për vdekjen e djalit të tij.
Nga debati me fjalë, ata janë konfliktuar fizikisht. I nxehur dhe me gjendje të rënduar psikologjike, Genci është kthyer në banesë, ka marr armën e gjahut dhe ka qëlluar me një plumb xhaxhain e tij që po punonte sërish në tokat me ullinj.
Pas ngjarjes pak metra më tutje 39-vjeçari ka vrarë veten në kokë po me armën e gjahut që vrau familjarin e tij duke shkaktuar një tragjedi të dyfishtë në familjen Koreta.
