“Më vrisni dhe mua” I ekzekutuan babain para syve, flet djali i biznesmenit të njohur në Fier

Vijojnë të dalin të tjera detaje nga ekzekutimi i biznesmenit Demir Backa, ngjarje e ndodhur kjo në Fier.

Dëshmia e djalit të tij 29-vjeçar, po ndihmon policinë në zbardhjen e vrasjes.

I riu ishte i pranishëm në skenën e krimit, ku ka mundur të shohë nga afër autorët.

Demir Backa u qëllua në mjetin e tij në parkingun e një qendre tregtare, në orën 20:40 min.

Në çastet e para, para ekzekutimit, njëri prej autorëve, i pamaskuar, mësohet të ketë komunikuar me djalin e viktimës.

Autorët e vrasjes kanë ndaluar fare pranë vikamës duke qëlluar me breshëri automatiku nga të dy krahët, për të qenë të sigurt se objektivi ishte eliminuar.

Djali i viktimës, dëshmitar okular në vendngjarje, ka kërkuar nga autorët që ta vrisnin dhe atë, por njëri prej tyre i është përgjigjur se ishin aty vetëm për Demir Backën.

Vetëm pak orë pas ngjarjes, policia tha se personat e dyshuar për këtë eliminim fizik të një prej biznesmenëve më të njohur të Fierit, ishin vravës me pagesë.

Autorët janë disa dhe për njërin prej tyre po punohet me identikin, falë dhe dëshmisë së djalit të viktimës.