E rëndë, del nga rruga autobusi i linjës Libohovë-Tiranë, plagoset 30-vjeçarja

Një aksident është shënuar në aksin nacional Gjirokastër-Kakavijë. Ngjarja u regjistrua rreth orës 05:15 në afërsi të fshatit Dervician. Burime nga policia konfirmojnë se autobusi i linjës Libohovë-Tiranë, me drejtues shtetasin me iniciale A. Gj., ka dalë nga rruga.

Për pasojë është dëmtuar një pasagjere, shtetasja me iniciale D. V., 30 vjeçe, banuese në Libohovë, e cila po merr ndihmën mjekësore në spitalin Rajonal Gjirokastër

Në vendin e ngjarjes kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.