Ish-zv.kryeministri Erion Braçe, aktualisht deputet i PS, gjatë fjalës së tij sot në Kuvend, ngriti shqetësimin e dy rrugëve në Lushnje që lidhin shumë fshatra në zonë me njëra-tjetrën.
Ai tregoi se si qeveria e PD ashtu dhe e PS bënë dy rrugë të ndërtuara gabim që ndanë fshatrat.
Braçe tregoi me foto se si mbikalimet janë lënë përgjysmë dhe kërkoi nga ministrja të dinte se a kanë qenë ato të përfshira në projekt apo jo dhe pas kësaj qeveria ti japë zgjidhje situatës.
“Aq dinte aq dëm bëri, mua më intereson diçka tjetër. Dua të di që rruga u ngjesh me rul dhe ministri sipër rulit tani është bërë kanal sepse nuk mban ajo tokë është malore, po mbikalimet ku shkuan. Do ti kërkoj ministres a ishin mbikalimet ku shkuan. këto kanë ngelur në ajër as hip as nuk zbret dot. Disa mbikalime kanë ngelur kështu. Ndërsa ky këtu është nënkalim skandaloz! Pa diskutim që papaqët, biçikletat, veturat, unë, hymë këtu. Por kryetarit të opozitës i prishen flokët ndërsa kryetarit të qeverisë i këpusin kokën sepse është shumë i gjatë. Janë tunele që janë jashtë standartit. Këto nuk janë justifikime për paritnë socialiste. Ne na intereson që banorët të kenë askses në të dy krahët e rrugës, akses në pronat e tyre. Nuk ka asnjë justifikim as për mua as për partinë e PS. Dua të di projekti ka qenë me mbikalime apo pa mbikalime dhe pastaj i takon qeverisë ti japë zgjidhje nga nyjet dhe deri të gjithë fshatrat që të lidhen me njëra tjetrën.
E dyta kam një shqetësim që vjen nga Berat Lushnjë dhe Divjaka, janë çmimet e plehrave kimike shumë të larta. Pa diskutim duhet të ndalem në tre gjëra, këto produkte nuk mbajnë ngarkesë fiskale të shtuara nëse janë pa TVSH ashtu të ngelen. këto produkte i zotëron një kartel i vetëm dhe nuk ka konkurrecnë që ndodhet në Vorë. Duhet asistencë për bujqërit pasi ky kartel i ka vendos bujqërit në përdorimin pa kufi të plehrave”, tha Braçe.
