“Keni nevojë për ndihmë?” Nis seanca në Kuvend, Basha ndërpret papritur fjalimin nga foltorja

Ka nisur seanca e sotme në Kuvend.

Gjatë momentit që kreu i Partisë Demokratike Lulzim Basha ishte duke folur nga foltorja, ka ndërprerë fjalimin.

Kjo ndodhi për shkak të shqetësimit nga zhurma  që po bënin efektivët e Gardës në anësore të sallës.

Për një moment, kryedemokrati iu drejtua atyre që të mbajnë qetësi:

“A ka ndonjë problem me gardën? Apo keni nevojë për ndihmë. Mbani qetësi sa ta mbaroj fjalën, faleminderit”, iu drejtua Basha stafit të Gardës.

Më tej, Basha ka nxjerrë grafikun duke thënë se Shqipëria renditet e 105-ta në botë për korrupsionin.

“Shqipëria e 105-ta në botë për korrupsionin. Je i vetmi europian në këtë listë. Mund të të pranojnë në Unionin Afrikan, në Bruksel jo

Dhe kur vjen fjala te korrupsioni, një nga faktorët e matur nga “Ëorld Justice Project”, Shqipëria e drejtuar nga ju mban vendin e 105-të në botë, pra jo vetëm korrupsionin më të lartë në Europë dhe rajon, por na keni renditur pas Beninit, Egjiptit, që mbajnë vendin e 103-të dhe të 104 dhe ndiqemi nga Zambia dhe Mozambiku, të 106-tët dhe 107-tët.

Shikoni, është i vetmi europian në listë.
Ky është pozicioni në të cilin mertion të jetë Shqipëria?
Fryhet lartë e poshtë ekraneve, duke nanuritur se po bën shtet. Ky është shteti që ke bërë?
Me këtë nivel korrupsioni, mund të hapësh negociatat me Unionin Afrikan, se në Bruksel, të 105-tët në botë për, nuk na pranon njëri”, tha Basha.