Zarfi iu vjen në shtëpi/ Kërcënohen me jetë kryeministri dhe ministri i Mbrojtjes së këtij shteti

Kërcënohen me jetë kryeministri i Sllovenisë Janez Jansha dhe familja e tij.

Në banesën e tyre ka mbërritur një zarf brenda të cilit kishte plumba.

Gjithashtu një kërcënim të ngjashëm ka marrë dhe ministri i Mbrojtjes dhe njëkohësisht partner i vogël në koalicionin qeverisës të Janshës.

Sipas medias “Slovenska”, kryeministri ka marrë kërcënime me vdekje në një zarf që i është dërguar në adresën e tij private.

Policia po heton rastin që është konfirmuar nga zyra e kryeministrit.

Lajmi është publikuar fillimisht nga portali Siol.nez dhe televizioni Nova24.tv, media e afërt me qeverinë e Janshës dhe është transmetuar nga media të tjera sllovene.

Mediat raportuan se Jansha dhe Tonin morën letra në adresat e tyre të premten që përmbanin kërcënime me vdekje dhe në të cilat kishte “municion të një kalibri më të madh” dhe se anëtarët e familjes së Janshës janë kërcënuar gjithashtu.