ABC kamundur të sigurojë pamje nga vila luksoze e biznesmenit që ka rënë pre e grabitjes në orët e para të mëngjesit në Nikël të Krujës.
Në video duket mjaft qartë godina ndërsa në pjesën e përparme të saj ka pishinë, kalçeto, bilardo dhe parkim automjetesh ku ndodhen të parkuara dy makina.
Në pronësi të familjes Çangu është po ashtu edhe një bar kafe me të njëjtin emër, e cila ndodhet brenda murit rrethues të banesës.
Të paktën 10 persona dyshohet se kanë hyrë në banesën rreth orës 02:00 pas mesnate duke marrë para, sende dhe bizhuteri me vlerë deri në 100 mijë euro.
Ata kanë lidhur pronarin e banesës Nazmi Çangu dhe i kanë prerë gishtin deri sa ai ka rënë pa ndjenja. Më pas me anë të një kaçavide kanë mundësuar hapjen e kasafortës.
