Të gjithë duan të dalin nga burgu, mirëpo një shqiptar mendon se është më mirë të jetë në qeli se në shtëpi me gruan e tij.
Gjykata e kishte lënë 30-vjeçarin në ‘arrest shtëpie’, por ai kishte vendosur që të shkojë në kazermën e karabinierëve dhe u kërkuar që ta fusin në qeli.
‘Jeta me grua është e pamundur’, u ka thënë ai karabinierëve, duke kërkuar që të futet në qeli. 30-vjeçari, pasi kishte kryer disa krime të vogla, u ka kërkuar karabinierëve të Guidonia Montecelio në rajonin e Lacios që të shkonte në burg.
Ai u ka thënë karabinierëve që bashkëjetesa me gruan e tij ishte krejt e pamundur tani dhe më mirë të vuante dënimin në burg se sa në shtëpi.
Ndodhur në këto kushte, karabinierët e kanë arrestuar 30-vjeçarin shqiptar me akuzën e ‘arratisjes nga vendi i vuajtjes së dënimit’ dhe kanë njoftuar policinë e burgjeve, të cilët e kanë dërguar në qeli.
